أب يستغيث :”المعلمة تقول لولدي ما تتصورش قداش نكرهك.. وتقول لأصحابو ما تقعدوش بحذاه”
صيحة فزع يطلقها اليوم كثير من الأولياء جراء استفحال ظاهرة “التنمر والسخرية” في المدارس الأمر الذي بلغ حد اضطرار البعض منهم الى نقل أبنائهم إلى مدارس أخرى رغم أننا في منتصف الثلاثي الثاني.
فهل انضاف التنمر الى قائمة العلل الأخرى التي تعاني منها المنظومة التربوية؟
في هذا الخصوص أطلق مواطن تونسي أصيل صفاقس صيحة فزع من خلال إذاعة ديوان أف أم، وذلك إثر تعرض إبنه ذو ال8 سنوات للهرسلة ولمعاملة سيئة من طرف معلمته وصلت حدّ نقله إلى طبيب نفساني.
وقال ذات المواطن بخصوص التفاصيل :”ولدي عمره 8 سنوات يقرى في السنة الثالثة ابتدائي.. من شهر أكتوبر إلى يومنا هذا ولدي يتعرض للهرسلة.. نهار جاني قلي راهي أنيستي قتلي ما تتصورش قداش نكرهك.. كل حصة تقلو حاجة نهار يا كذاب.. شبيك كذاب.. تقول لأصحابو ما تقعدوش بحذاه وتخليه وحده..”.
وأضاف بخصوص الأسباب التي جعلتها تعامله بتلك الطريقة :”لا لشيء إلا إنه صارت مناوشة بينه وبين تلميذ يقرى معاه والتلميذ هذا يقرب للمعلمة.. عملو حلف ضدّ ولدي ويحبو ينقلوه من القسم.. هذوما صغيرات يلعبو مع بعضهم موش معقول هكا..”.
وتابع أنه اشتكى لمندوبية التربية وكان ردّها صادما :”قالولي عنا حالات أخطر من ولدك.. وهذه حكاية فارغة.. أحنا عطيناهم أمانة راهم أولادنا يقعدو معاكم في للمدرسة أكثر ملي يقعدوه معانا في الدار”.
الفيديو :
