تونسية تثير الجدل :”بابا بناي وجاتو خدمة بحذى داري يجي يفطر بحذايا.. ياخي راجلي قال معادش يساعدني ” (فيديو)
تونسية تثير الجدل :”بابا بناي وجاتو خدمة بحذى داري يجي يفطر بحذايا.. ياخي راجلي قال معادش يساعدني ” (فيديو).
تداولت صفحات مواقع التواصل الإجتماعي منذ مساء يوم أمس الإثنين تدوينة لمواطنة تونسية أثارت جدلا وغضبا واسعا بين التونسيين، وهذا ما جاء فيها :
“بابا بناي والمدة هذي جاتو الخدمة بحذا داري ياخي ولى في القايلة يتعدالي يفطر ويشرب كاس تاي يرتاح شواي ويرجع يخدم وبعد يروح لدارنا خاطر بعيدة..
تاو تقريبا شهر هكاكة نهار الجمعة حماتي جات سألتني على بابا قلتها راو يجي وكل شيء..
تمشي تعمر راحلي تعملو يكون على ظهرك وعلاش ماياكلش على فلوسو وبارشا كلام جاني راجلي في الليل يعملي ماعادش يساعدني بوك كل يوم فطور لهنا وتاي
يعملي يتصرف ياكل مع الخدامة هاوكا مولى الدار الي بنو فيها يجيبلهم فطور غير بابا يقاهم صحة عندي بنتي لهنا نمشي حذاها..
انا الحق مانجمتش نقول شيء
كيف جا بابا نهار السبت ماحليتش الباب دق دق دق لين مشا …طلب مرتين ماهزيتش
في الليل طلبتني امي قتلي لاباس بوك تحير عليك قلتها هزيت رتاج للتلقيح
البارح مايخدمش و اليوم اثنين واكيد بش يتعادالي كالعادة مش عارفة اش نعمل وكيفاش نتصرف مانحبش نجرح بابا ومانحبش تولي مشكلة مع راجلي انصحوني راني حرت..”.
وقد أثار تصرفها غضب التونسيين وقاموا بتذكيرها ببرّ الوالدين.
الفيديو :
