بالفيديو : دكتور في الفيزياء يبيع الملاوي في مطعم ..

تداولت صفحات مواقع التواصل الاجتماعي اليوم الأربعاء 24 جويلية 2024 مقطع فيديو من برنامج بلا قناع، ظهر من خلاله مواطن تونسي متحصل على الدكتوراه في الفيزياء أصيل المروج، ولم يجد فرصته في مجاله، حيث التجأ إلى بيع “الملاوي” في مطعم صغير بحيّه من أجل توفير لقمة العيش.

وقال الدكتور محمد علي ثامري في حواره :”

أنا قاري 12 سنة بعد البكالوريا.. خذيت الإجازة وعملت الماجستير وكملت الدكتوراه في الفيزياء موش شويا.. ما فماش حاجة تبعث الأمل.. نوصل نقرى وناخذ الدكتوراه وما نلقاش خدمة؟ حبيت نجتهد وناكل خبزة .. عملت المطعم الصغير هذا متاع الملاوي.. تعلمت كيفاش نعجن ونطيب الملاوي وهاني نسترزق”.

وأضاف موجها نداء للسلطات :”

هذه دولة مهمشة البحث العلمي ومهمشة النخبة.. نحنا فخرة البلاد من المفروض نحنا الحل..

تشوف الإدارات تلقى عباد شادة وظائف باهين ويخلصو بالملاين وماهمش قارين.. وفما عباد قارية سنوات بعد الباك ولتوا تاخذ من المصروف من عند والديها

ان شاء الله يسمعونا ويشوفولنا حلّ”.

وتابع بتأثر كبير :”أنا هاني دكتور ونجّم بخدمة الملاوي نكوّن ونعمل دار وكرهبة لكن ما يساعدنيش خاطر هذه ماهيش بلاصتي.. أنا بلاصتي في الجامعة لازمني نقري في الجامعة وهذاكا حقي”.

الفيديو :