وردة الغضبان تردّ :”راني تحجبت أما مازلت نغني.. الفن خدمتي ومورد رزقي” (فيديو)
نشرت الفنانة التونسية وردة الغضبان اليوم الثلاثاء 19 نوفمبر 2024 مقطع فيديو تردّ من خلاله على الأخبار المتداولة بخصوص اعتزالها الفن إثر ارتدائها الحجاب.
وقالت وردة الغضبان أنها ارتدت الحجاب ولكن لم تعتزل الفن لأنه مورد رزقها الوحيد.
وتابعت :”
“مساء النور والسلام عليكم ورحمة الله وبركاته نسلم على الناس الي يحبوني و جمهوري نسلم على الناس الي باركولي نحب نسأل سؤال وقتاش تكلمت انا وقتاش نزلت انا قلت راني اعتزلت الفن باللاهي وضحولي وين نزلت وين تكلمت الي انا اعتزلت الفن ياخي جاتكم غريبة الواحد يغطي شعرو”.
وأضافت :” الفن في بلاصتو وحبي لله وطاعتي لله في بلاصتها ظاهري انا كي غطيت شعري ظاهرلي ما عملتش حاجة عيب هكا و الا لا وحاجة أخرى انا ما تكلمتش وقلت راني بطلت الفن الفن خدمتي ومهنتي ومورد رزقي توة الي وقت ربي انا ينوب عليا بحاجة أخرى ماخير و ما احسن تو نقلكم راني إعتزلت اما شنية هذيا الصفحات إلي منزلة هاي وردة الغضبان اعتزلت الفن وتابت وأعلنت توبتها سامحني شنية أعلنت توبتها ياخي أحنا كفار مفهمتش والله لا فهمتها والله غريبة !! الحمد الله انا نخدم في الفن بالنظافة الناس الكل يعرفوا هذايا من قديم الزمان من اول ما بديت الفن الحمد الله لا لبسي عريان لا نخالط عباد ما عنديش خلط ما نعرفش كيفاش الحمد الله نخدم”.
الفيديو :
