شاب ال23 سنة يعاني من مرض نادر.. ونداء عاجل للسلطات “راني تعبت.. والناس يعايرو فيّا” (فيديو)
تحدّث الشاب التونسي باسم السعيداني ذو ال23 عاما ، في حوار مع إذاعة موزاييك عن معاناته من مرض نادر منذ أكثر من 8 سنوات والذي يتطلب إجراء عملية جراحية بفرنسا كلفتها أكثر من 150 ألف دينار.
وقال باسم بتأثر شديد :”أنا خوكم باسم عمري 23 سنة عندي مرض نادر إسمه “elephantiasis” .. المرض هذا تعبني برشا نفسنيا وبدنيا وتعب عائلتي.. من 2016 وأنا نعاني والشي ماشي ويزيد.. بدالي بشويا نفاخ في الكعبة فيبالي حاجة عادية.. وشوفو الحالة الي وصلتلها..”.
وأضاف :”الطبة الي في تونس عجزوا قدام الحالة هذه وأكدولي الي ما فماش حل في تونس والحل الوحيد نخرج لفرنسا.. وفما حالة مشابهة عملت 3 عمليات والتكلفة أكثر من 150 مليون والظروف ما تسمحش..”.
وتابع باسم أنه يتعرض للتنمر بسبب مرضه :”مش مرة موش ثنين انسان يعايرني بالمرض متاعي .. حبيت نقلكم راني قوي ونعرف الي رحمة ربي واسعة وماهوش باش يخليها بيا.. باش نرجع نكور ونرجع نترينا..”.
وقد أثار باسم تفاعل وتعاطف التونسيين على صفحات مواقع التواصل الاجتماعي وطالبوا السلطات بالتدخل العاجل لفائدته من أجل إجراء العملية الجراحية.
الفيديو :
