بالفيديو / عفاف الغربي تردّ على بن مامي :”قتلو نحشم كي نتفرج في الدراما التونسية ناسية الدور الي عملتو..”

بالفيديو / عفاف الغربي تردّ على بن مامي :”قتلو نحشم كي نتفرج في الدراما التونسية ناسية الدور الي عملتو..”.
تحدثت الممثلة مريم بن مامي خلال حضورها ليلة السبت في برنامج “لاباس شو” على قناة التاسعة حول تصريحات عفاف الغربي الأخيرة والتي اتهمتها فيها بسرقة فكرة ومضمون برنامجها الذي كان يبث على قناة قرطاج+ “Café Créme”” ، معتبرة ان برنامج “100%مريم” الذي يبث على نفس القناة هو نسخة مشوهة عن برنامج “Café Créme”.
وقالت مريم :”عفاف الغربي عندها الانستغرام متاعي و نومرويا كانت تنجم تكلمني اما كي هبطت الستاتي تحكي هكاكا بالحق méchanceté… كونسابت برنامجي ما يشبهش بالكل لبرنامجها لا في التوقيت لا في الديكور لا المحتوى هي تبدأ قاعدة على canapé هاي مشات للكوجينة هاي رجعت حكات مع فلان.. انا بكل تلقائية.. و حسب تحليلي عفاف الغربي كي يبدا عندها برنامج تبدا ناس ملاح و كي يتنحالها البرنامج تولي méchante مع الي عندهم برامج الكل و تهاجم في الناس الكل”.
وردا على ذلك نشرت عفاف الغربي تدوينة على حسابها الخاص قالت فيها :” سبت محمد الخماسي
سبت خدمة سامي الفهري
سبت خدمة امين قارة
سبت اذاعة ifm
سبت نضال السعدي ..
تكلاشي في خولة السليماني ..
و كي تتفرج في التلفزة التونسية تفد و خايفة على بنتها من الاعلام التونسي و تحشم كي تتفرج في الدراما التونسية مع العايله …
هي صنيعة الحوار التونسي و اللي اتنكرتلو سامي الفهري (اللي دارت عليه خاطر ماعادش يخدم فيها من سنوات)..
هي بطلة المسلسل الحدث العظيم “حكايات تونسية” اللي قصتو تتمحور حول بيت دعارة ..
“عزيزتي الغالية” قبل ما تنطق اسم عفاف الغربي المرة الجاية دورو في فمك سبعة مرات قبل راهم 25 سنة إعلام .. و راني مازلت gentille ..”.