قضية الـ40 مليار لوجوه إعلامية التي كشفها الرئيس قيس سعيد: نوفل الورتاني يكشف كل شيء .. أنا نعرف شنوة صاير ويزي ما سكت ..(فيديو)
قضية الـ40 مليار لوجوه إعلامية التي كشفها الرئيس قيس سعيد: نوفل الورتاني يكشف كل شيء .. أنا نعرف شنوة صاير ويزي ما سكت ..(فيديو)
في مداخلة له على اذاعة الديوان في برنامجه لاباس و تعقيبا على قرار مغادرة مريم بلقاضي لاذاعة شمس اف ام قال الاعلامي نوفل الورتاني موجها انتقادا لاذعا :” سياسة الدولة تجاه المؤسسات الاعلامية سياسة غريبة … وقت الي نسمع في عهد رئيس الحكومة الذي قال انه سيقاوم الفساد 40 مليار تحطت للصحفيين و تواصلت مع رئيس الحكومة الي بعدو الذي لا يقاوم شيء و الجزء الثاني تعطى في عهدو … المليارات الي تصبت للصحفيين و المستشهرين باش يبنيو بيها و يسرقوها …
و لا احد باش يحل الدوسي و لا احد باش يكشف شيء … فما فلوس باش تعاون الاعلام … جرايدنا قاعدة تموت …و لكن المليارات تعطى للاعلاميين والناس يشيخو بيها و يسرقو بيها …مريم بلقاضي من احسن الصبحيات كانوا يسمعو فيها التوانسة برشا …ان شاء الله يجي شكون عندو ضمير و يفيق الي الاعلام هو وجه البلاد …
الجرايد ولات بودورو … نوعية الورق اخيب نوعية في العالم …اخيب شهاري ياخذوا فيها الصحفيين التوانسة و المليارات و الشيخات من عند ناس منافقين برشا منهم في التلافز و الاذاعات …و يفلموا عليكم و هو كشاشهم طالعة و هما يضربو في مئات الملايين و المليارات …ما نقولوش ماعندناش فلوس عندنا فلوس ياخذو فيها السرّاق …
و رغم انو الرئيس هدد ولت البارح و لكن انا نعرف الادارة القوية اللوطا باش تغلب الرئيس كيما غلبت الناس النزهاء الي قبلو ..”.
